UJENZI WA BARABARA MPYA ZAZINDULIWA DARESALAAM

 

John Mnyika, Halima Mdee Dr maguli.

Jana ilikuwa uzinduzi wa ujenzi wa Barabara jimboni UBUNGO na KAWE uliotawaliwa na shangwe na nderemo kwa wakazi waliopakana na barabaza za Mbezi Mwisho-Goba-Tangi Bovu, Barabara ya External –Kilungule, Barabara ya Msewe-Baruti! Ambapo ni barabara zilizopo kwenye majimbo wa Kawe na Ubungo yaliyo chini ya CHADEMA (Ubungo- Mnyika na Kawe- Halima Mdee)
Hii ni moja ya hatua kubwa sana na muhimu katika utatuzi wa foleni ndani ya Jiji la Dar es Salaam na kuendeleza kwa kiasi kikubwa maeneo ambayo barabara hizo zinapita (ndani ya Jimbo la Ubungo).

LUPITA NYONGO A'GARA KATIKA TUZO ZA WASANII MAREKANI

Umaarufu wa msanii Lupita Nyong'o katika Red Carpet nchini Marekani haujashuka licha ya kutokuwepo katika kamera kwa miezi michache iliopita.

Mara yake ya pili katika Red Carpet ilikuwa siku ya jumapili usiku ambapo maonyesho ya tuzo la wasanii wa Filamu SAG yalifanyika,ambapo aliwaacha wengi vinywa wazi.
Akiwa amevalia rinda refu lenye rangi nyingi la mwanamitindo Ellie Saab ,msanii huyo nyota katika filamu ya 12 years slave aliwafanya waliohudhuria tuzo hizo kutaka kumuona yeye tu.
Lakini kile kilichovutia wengi ni mtindo wake wa nywele.
Akifuata mizizi yake ya Afrika ,lupita ambaye hupendelea sana kuweka nywele fupi mara hii alizisuka nyewele hizo.

Tuzo hiyo inajiri baada ya onyesho lake la kwanza katika Red carpet ambapo alivalia vazi la Giambattista.
Vazi hilo lililokuwa na rangi za zambarau na nyeupe lilizua hisia tofauti miongoni mwa mashabiki na wapendwa wa fesheni.
Hathivyo rinda lake katika tuzo ya SAG liliwavutia wengi na huku mtindo wake wa nywele ukiwa wa kurembesha zaidi.

OXFAM YATANGAZA MRADI KUPAMBANA NA EBOLA

Misaada ya kila hali bado inahitajika katika maeneo yaliyoathiriwa na Ebola

Shirika la misaada Oxfam limetoa wito wa kutolewa kwa msaada wa thamani ya mamilioni ya dola kusaidia nchi za Afrika Magharibi zilizoathiriwa na Ebola, mradi huu wa msaada unaitwa Marshall Plan

Zaidi ya Watu 8,500 wamepoteza maisha kutokana na ugonjwa wa Ebola, wengi wao nchini Sierra Leone,Guinea na Liberia.
Mradi wa Marshall ulitumika baada ya vita ya pili ya Dunia kwa ajili ya kuwanusuru waathirika barani Ulaya.
Oxfam imetoa wito kwa jamii ya kimataifa kuridhia mpango wa utoaji misaada kutoka kwa nchi tajiri.
Shirika hilo limesema msaada wa fedha unahitajika katika maeneo matatu-kuchangia pesa kwa Familia za waaathirika wa Ebola, kuwekeza katika kazi pia kusaidia kutoa elimu kuhusu maswala ya kiafya, elimu na usafi.
Utafiti umebaini kuwa asilimia 60 ya Watu waishio kwenye meaeneo yaliyoathirika wanadai kuwa hawajapata chakula cha kutosha kwa kipindi cha juma moja lililopita sababu kubwa ikilezwa kuwa kushuka kwa kipato na kuoanda kwa gharama za chakula.
Nayo Bank ya dunia imekisia kuwa takriban 180,000 wamepoteza kazi zao nchini Sierra Leone tangu kuanza kwa ugonjwa huo, huku wengine wanaotunza familia zao nchini Liberia nao wakipoteza ajira.

BALOTELI AELEZEA SABAUBU ZA KUACAHANA NA MPENZI WAKE

Mrembo ambaye alikuwa mpenzi wa Star wa klabu ya Liverpool Fanny Neguisha amefichua chanzo cha kuachana na mchezaji huyo baada ya kimya cha muda mrefu .

Baloteli na Fanny walionekana kuwa pamoja kwa muda mrefu kabla ya kuachana baada ya muda huku kukiwa hakuna sababu iliyowahi kutajwa na yoyote kati ya wapenzi hao wa zamani ya kuachana kwao .

Balotelli alifikia hatua ya kumchumbia binti huyo raia wa Ubelgiji mwenye asili ya Ethiopia akimvisha pete ya thamani ya paundi elfu 25,000 wakati wakiwa nchini Brazil .

Baloteli na Fanny wakati uhusiano wao ulipokuwa unaendelea .

Mwanadada huyo amefichua kuwa chanzo cha wawili hao kuachana na kitendo cha Mario Baloteli kumlazimisha aachane na fani yake ya uanamitindo pamoja na muziki .

Fanny amefichua kuwa Balotelli alikuwa hapendezewi na picha za mitindo ambazo alikuwa akipiga , kimsingi hakuwa anakubaliana na kazi yake hali iliyofanya arudishe pete yake ya uchumba na kusitisha mipango yao ya kuoana.

Baloteli hakutaka Mpenzi wake Fanny Neguisha ajihusishe na kazi ya urembo na mitindo pamoja na muziki .

Fanny alisema hayo kwenye mahojiano ya tele

visheni ambapo alisema kuwa Baloteli alimlazimisha aachane na mitindo , ambapo mrembo huyo alisisitiza kuwa anaipenda kazi yake na ana haki ya kuwa na maisha ya kazi kama ilivyo kwake (Balotelli) jambo ambalo Mario hakukubaliana nalo

MOURINYO AMSIFIA DROGBA

Kocha wa Chelsea Jose Mourinho amemsifu mshambuliaji wake Ddier Drogba kwa kusema kuwa bado kuna mengi ya kutegemewa toka kwa mchezaji huyo na hajaisha kama inavyodhaniwa na wengi .

Mourinho alisema hayo kwenye hafla maalum ya utoaji wa tuzo ya heshima kwa Dorgba ambayo iliandaliwa na chama cha waandishi wa habari za michezo nchini England .

Hafla hiyo iliyoandaliwa na waandishi ililenga kumtunukia tuzo ya heshima mshambuliaji huyo raia wa Ivory Coast kwa mchango wake kwenye mchezo wa soka na kwenye ligi ya England kwa jumla

Drogba hapo jana alipewa tuzo ya heshima na chama cha waandishi wa habari za michezo England .

Mourinho alimsifu Dorgba akimuita mchezaji mwenye thamani ya kipekee kwa timu hiyo baada ya mchango wake kuipa mafanikio mbalimbali tangu alipojiunga nayo mwaka 2004 wakati aliposajiliwa toka Olympique Marseile .

Tuzo kama hii imewahi kutolewa kwa kocha Jose Mourinho na Sir Alex Fergusson pamoja na wachezaji kama David Beckham baada ya mafanikio ya muda mrefu .

Akiwa Chelsea Drogba ametwaa zaidi ya mataji 10 likiwemo taji la ligi ya mabingwa barani Ulaya mwaka 2012.

Drogba mwenyewe kwa upande wake aliishukuru klabu ya Chelsea kwa kumpa nafasi ya kupata mafanikio ambayo labda asingeyapata kwenye klabu nyingine na akasisitiza kuwa ataendelea kuwa sehemu ya familia ya Chelsea kwa muda mrefu ujao .

Mourinho alimsajii Drogba mwaka 2004 wakati mshambuliaji huyo akitokea Olympique Marseile.

Mourinho ameonyesha dhamira ya kutaka kuendelea kuwa na mchezaji huyo kwa ajili ya msimu ujao baada ya kusema kuwa kuna mengi ya kutarajiwa toka kwa Drogba na watu hawapaswi kudhani kuwa ameisha na anangoja kustaafu .

RAIS ABADILI MAWAZIRI NA MANAIBU WAO

Waziri wa Nishati na Madini mpya, George Simbachawene.



Waziri wa Afrika Mashariki, Dk. Harrison Mwakyembe.…

MGOMO WA WAENDESHA DALADALA JIJINI MWANZA

Daladala zikiwa zimepaki katika Jiji la Mwanza kutokana na mgomo wa madereva.

 

  Taswira kutoka maeneo ya Jiji la Mwanza baada ya mgomo wa waendesha daladala

MFALME WA SAUDIA AFARIKI DUNIA

Siku ya jana January 22 tumeshuhudia Zambia wakifanya uchaguzi wa Rais baada ya Rais wao Michael Chilufya Sata kufariki akiwa madarakani mwaka 2014, hiyo ilikuwa mara ya pili Zambia kupata msiba wa Rais wao akiwa madarakani, wa kwanza alikuwa Levy Mwanawasa aliyefariki mwaka 2008.
Taarifa sio nzuri kutoka Saudi Arabia, vyombo vikubwa vya habari kama CNN, Sky News na BBC vinaripoti kuhusu msiba wa aliyekuwa Mfalme wa Saudi Arabia, Abdullah Bin Abdulaziz ambaye amefariki akiwa Hospitalini akipatiwa matibabu, taarifa za kifo cha mfalme huyo zimetolewa na kaka yake Salman ambaye naye aliwahi kuwa mfalme.

VODACOM YAZINDUA PROMOSHENI YA SHILINGI BILIONI 30

 Mkuu wa Idara ya Masoko na Mawasiliano wa Vodacom Tanzania,Kelvin Twissa(katikati)akiongea na waandishi wa habari(hawapo pichani)wakati wa uzinduzi wa Promosheni mpya inayojulikana kama JayMillions itakayowawezesha wateja wa kampuni hiyo kujishindia zawadi mbalimbali zenye thamani ya Shilingi Bilioni 30/- Ili kujua kama umeshinda mteja anatakiwa kutuma SMS moja tu yenye neno “JAY” kwenda namba 15544 kila siku.Kushoto ni Balozi wa promosheni hiyo Hilary Daud”Zembwela” na kulia ni Meneja Uhusiano wa Umma wa kampuni hiyo Matina Nkurl

ASKOFU KAKOBE ATOA UJUMBE KUHUSU UCHAGUZI WA OCTOBER 2015

Juzi Jumapili 11.1.2015, maelfu ya waumini wa Kanisa la Full Gospel Bible Fellowship (FGBF) linaloongozwa na Askofu Mkuu Zachary Kakobe, walivaa TShirt zenye maandishi “UCHAGUZI USIFANYIKE JUMAPILI”, katika ibada maalum ya maombi kuhusu Uchaguzi Mkuu wa mwaka huu. Katika maombi hayo maalum yaliyofanyika katika Kanisa hilo lililoko barabara ya Sam Nujoma, Mwenge, Dar-Es-Salaam; Askofu Kakobe aliwaongoza waumini hao kumshukuru Mungu kwa ajili ya roho ya usikivu iliyomwingia Rais Jakaya Mrisho Kikwete aliyetangaza katika hotuba yake ya Mwaka Mpya kwamba Kura ya Maoni kuhusu Katiba pendekezwa itafanyika ALHAMISI 30.4.2015.

Katika maombi hayo, Askofu Kakobe alisema kwamba kwa miaka mingi, kilio cha Wakristo wengi kimekuwa kwamba siku ya kupiga kura isiwe siku ya Jumapili inayoingilia haki ya Kikatiba ya kupiga kura na uhuru wa kuabudu kwa Wakristo usiotakiwa kuingiliwa na mamlaka ya nchi, kama inavyoainishwa katika Katiba, Ibara ya 5 (1) na Ibara ya 19 (2); hivyo hawana budi kumshukuru Mungu kwa jinsi ambavyo Serikali ilivyosikia kilio chao, kwa kutangaza kwamba Kura ya maoni itafanyika Siku ya Alhamisi, badala ya siku iliyozoeleka ya Jumapili.

Kwa msingi huohuo, waumini hao walimwomba Mungu katika maombi hayo kwamba, Serikali izidi kuwa na usikivu na hivyo kutangaza siku ya Uchaguzi Mkuu wa mwaka huu ambayo haitakuwa Jumapili, wala Jumamosi wala Ijumaa; ambazo ni siku za kuabudu kwa waumini wa madhehebu yote ya Wakristo, Wasabato na Waislamu; ili Wakristo na Watanzania wote kwa ujumla wapate kujitokeza kwa wingi kutumia haki yao ya kikatiba ya kupiga kura. Askofu Kakobe alisema kwamba imekuwa kawaida kwa wanasiasa kujiuliza kwa nini watu wengi hawajitokezi siku ya kupiga kura, bila kuwaza juu ya kujenga mazingira ya kuwawezesha watu wote kupiga kura, kwa kuifanya siku ya kura kutokuwa siku ya Ibada.

Askofu Kakobe alitoa mifano ya nchi zinazotuzunguka ambazo hufanya Uchaguzi wao Mkuu kuwa siku ambayo siyo siku ya Ijumaa, Jumamosi au Jumapili; ili watu wengi wajitokeze kupiga kura, kwa mfano Zambia ambayo itakuwa na Uchaguzi siku ya JUMANNE 20.1.2015, baada ya Rais wao aliyechaguliwa katika Uchaguzi Mkuu wa JUMANNE 20.9.2011, kufariki. Vilevile alitaja siku za Uchaguzi Mkuu uliopita wa nchi nyingine kama ifuatavyo: Malawi (JUMANNE 20.5.2014); Zimbabwe (JUMATANO 31.7.2013); Kenya (JUMATATU 4.3.2013); Uganda (JUMATATU 18.2.2011); Rwanda (JUMATATU 9.8.2010); Burundi (JUMATATU 28.6.2010); na Afrika Kusini (JUMATANO 7.5.2014); na baada ya kutaja mifano hiyo, aliwaongoza waumini kumwomba Mungu ili kwamba Serikali iwe na usikivu katika jambo hili pia, na kutangaza Siku ya Uchaguzi Mkuu wa Mwaka huu wa 2015 katika nchi yetu Tanzania, kuwa siku yoyote ambayo siyo Jumapili, Jumamosi, wala Ijumaa; na kuifanya siku hiyo kuwa siku ya mapumziko maalum yenye kazi moja tu kuu, ya kupiga kura.

RONALDO MWANASOKA BORA WA DUNIA 2014

Mchezaji wa Real Madrid na timu ya Taifa ya Ureno, Cristiano Ronaldo akiwa na tuzo ya Ballon d'Or baada ya kutangazwa na FIFA kuwa Mwanasoka Bora wa mwaka 2014.

MBUNGE JOSEPH MBILINYI SUGU! APATA AJALI MLIMA KITONGA

Mh.Sungu Mbunge wa Mbeya Mjini  amenusurika ajali leo akiwa katika harakati za kudelete magamba maeneo ya mlima kitonga.
Tuchukue frusa hii kumtakia pole kamanda wetu mungu amwepushe na mabalaa haya,Ni ulozi tu wa migamba Pole saaana Mh Sugu, tunamshukuru Mungu kukuepusha kwa ajali hio mbaya.

Habari zinadai kuwa ajali hiyo imesababishwa na Break za Gari Kushindwa kufanya kazi wakati wanateremka katika mlima huo mkali ikabibidi waigongeshe ukutani maana bila hivyo wangetumbukia korongoni.
Wote waliokuwa katika gari hilo wapo Salama Kabisa.

GODBLESS LEMA KUGOMBEA UBUNGE JIMBO LA KINONDONI OCTOBER MWAKA HUU

Katika kikao chake na waandishi wa habari mchana huu katika hotel ya Snowcrest jijini Arusha, Lema amesema anaenda kupambana na Iddi Azan kwenye jimbo la Kinondoni ktk uchaguzi mkuu ujao mwezi October mwaka huu. Akielezea nia yake hiyo mbele ya mamia ya waandishi wa habari, Lema amesema anataka kuleta mapinduzi ya fikra kwa wana kinondoni na kuijenga ngome imara ya chadema jimboni hapo. Alisema mpango wake huo alikuwa nao toka mwaka 2013 pale alipovuliwa ubunge na alitafakari kujiingiza kwenye changamoto mpya kisiasa ifikapo mwaka 2015.

“Wana wa Arusha wasiwe wanyonge, kamanda wao naenda kupambana kwenye uwanja mwingine wa vita lakin wajue tupo pamoja” Alinukuliwa akisema bw. Lema. Hata hivyo alikwepa kujibu swali la mwandishi wa Radio 5 aliyetaka kujua kama pengine ni mbinu ya Lema kukwepa aibu ya kushindwa kwenye uchaguzi huu ikizingatiwa historia yake tata ya utekelezaji wa ahadi zake alizotoa mwaka 2010 na pia ushindani mkali unaomkabili ndani ya chama chake. Imefahamika kuwa wanachama zaidi ya 30 wameshatangaza waziwazi kuchuana na Lema kwenye uchaguzi wa Octoba.
Hii inaweza kuwa ni mbinu ya Lema kukimbia changamoto na kujaribu karata yake mahali pengine

DK. MAGUFULI AHUDHURIA MAZISHI YA MTOTO WA RAILA ODINGA, NCHINI KENYA

Waziri wa Ujenzi,Dkt. John Pombe Magufuli akiwa na mfiwa, Waziri Mkuu wa zamani wa Kenya,Mh. Raila Odinga wakiongozana kuelekea sehemu maalum ya kuaga mwili wa Marehemu Fidel Odinga kabwa ya kuzikwa kwake.…

TAARIFA YA JESHI LA POLISI KUHUSIANA NA TAHARUKI YA PANYA ROAD

TAARIFA KWA VYOMBO VYA HABARI
Ndugu zangu wanahabari;

Napenda nichukue fursa hii kutoa ufafanuzi wa taharuki iliyotokea jana tarehe 02 Januari, 2015 katika jiji la Dar es Salaam ikiwahusisha baadhi ya vijana wanaojikusanya kwenye vikundi na kujiita Panya road na pengine kusababisha hofu kubwa kwa wananchi.

Chanzo cha taharuki hiyo, kulitokana na kuuawa kwa kijana mmoja ajulikanae kwa jina la Mohamed Ayub na wananchi tarehe 01/01/2015 katika maeneo ya Tandale kwa Mtogole kwa tuhuma za wizi wakati wa mkesha wa sikukuu ya mwaka mpya. Tarehe 02/01/2015 majira ya saa tisa mchana yalifanyika mazishi ya kijana huyo katika makaburi ya Kihatu Kagera Mikoroshini na taarifa zilizokuwa zimelifikia Jeshi la Polisi Kanda ya Dar es Salaam ni kwamba baada ya mazishi hayo vijana wenzake na marehemu walijipanga kufanya fujo ili kulipiza kisasi cha mwenzao kuuawa. Aidha, kabla vurugu hizo hazijafanyika na kwa vile Polisi walishaona dalili ya vurugu hizo, tayari walifanikiwa kuzidhibiti.

Baada ya vurugu hizo kudhibitiwa na Polisi, vijana hao walitawanyika kwa kukimbia katika maeneo mbalimbali ya jiji la Dar es Salaam na kuzua taharuki kubwa kwa wananchi kwamba huenda kila walipokimbilia wanampango wa kuwafanyia fujo raia wema, jambo ambalo wasingeweza kulifanya kwa vile Polisi walikuwa wameimarisha ulinzi katika maeneo yote ya jiji.

Kufuatia hali hiyo na Jeshi la Polisi nchini likiwa linaendelea na msako mkali wa kuwabaini na kuwakamata wote wanaojihusisha na uhalifu huo, tunawaomba wananchi watulie, wasiwe na hofu na waendelee na majukumu yao kama kawaida. Mpaka sasa tunawashikilia watuhumiwa 36 kwa mahojiano na uchunguzi utakapokamilika tutawafikisha mahakamani mara moja.
Aidha, Jeshi la Polisi linatoa onyo kwa vijana hao wananojihusisha na vikundi hivyo kuacha tabia hiyo mara moja. Tumejipanga vizuri katika mikoa yote kuhakikisha kwamba nchi inaongozwa kwa kufuata utawala wa sheria, hatutamwonea muhali mtu yeyote ama kikundi cha watu wanaotaka kuvuruga amani ya nchi na kutia hofu wananchi.
Wananchi waendelee kutupa ushirikiano kwa kutoa taarifa kupitia namba ya simu 0754  78 55 57, namba za makamanda au katika kituo chochote cha Polisi.
Imetolewa na:-
Advera John Bulimba  - SSP
Msemaji wa Jeshi la Polisi.

HIVI NDIVYO OBAMA ALIVYOSHEREKEA NA FAMILIA YAKE MWAKA MPYA

Sherehe kubwa za mwaka kwa mwaka 2014 ni kama zimeisha juzi baada ya kuupokea mwaka mpya 2015, kila mmoja kasherekea kwa aina yake, Rais wa Marekani Barack Obama pamoja na familia yake nao walipata nafasi ya kutoka nje ya Ikulu ya White House na kwenda kuenjoy kama watu wengine.
Vacation ya Obama na familia yake imeendelea katika visiwa vya Hawaii, alikutana na watu mtaani akawapa salamu za mwaka mpya; “Happy New Year, everybody!“, akasalimiana nao halafu wakaendelea kula zao ice cream.
Picha zake na familia yake wakijienjoy hizi hapa.






Rais Obama na mtoto wake Malia wakila Ice cream.

Hawa ni watu waliopata nafasi kuwa karibu na familia ya Obama wakienjoy Beach, Hawaii.


Meli ya watu wa usalama haikuwa mbali na familia ya Obama.

JOKATE AMKEJELI DIAMOND

Stori: Imelda Mtema
Staa wa urembo, muziki, filamu na ujasiriamali Bongo, Jokate Mwegelo ‘Kidoti’ au ‘Jojo’ amemrushia maneno makali aliyewahi kuwa mpenzi wake, Nasibu Abdul ‘Diamond Platnumz’ kuwa hana akili timamu kufuatia maneno aliyotoa kuwa enzi za uhusiano wao, eti mwanadada huyo alikuwa akichenga kumzalia mtoto.
Staa wa urembo, muziki, filamu na ujasiriamali Bongo, Jokate Mwegelo ‘Kidoti’ au ‘Jojo’.
MAHOJIANO
Katika mahojiano maalum ya hivi karibuni kupitia Kipindi cha Mtu Kati cha Runinga ya GlobalTV Online chenye makao yake makuu ndani ya Ofisi za Global Publishers zilizopo Bamaga-Mwenge, Dar, Diamond alitoa madai kuwa, amekuwa akihaha kupata mtoto.

Alisema kwamba, katika harakati zake hizo, warembo ambao alishatoka nao kimapenzi akiwemo Jokate walikuwa wakimchezea mchezo mchafu ili wasimzalie kwa kuwa alikuwa akiwaambia anahitaji mtoto kwa udi na uvumba.

MZOZO MKUBWA
Hata hivyo, madai hayo ya Diamond yalizua mzozo mkubwa kwenye mitandao ya kijamii huku warembo hao wakipigwa za uso hivyo kutafuta namna ya kujitetea.“Hao akina…(wanatajwa warembo wa Diamond) watakuwa wana matatizo ya uzazi siyo bure.

“Ndiyo maana Dangote (Diamond) ameona bora aende kwa Zari (msanii wa Uganda, Zarinah Hassan) ambaye tayari ana mwanga wa kuzaa (ana watoto watatu),” ilisomeka sehemu ya maoni juu ya madai hayo ya Diamond kwenye Mtandao wa Instagram.

 

Jokate Mwegelo ‘Kidoti’ akiwa na Diamond.


SIKIA MADAI YA DIAMOND
Diamond alifunguka: “Jokate na Wema (Sepetu) nilitamani sana wanizalie lakini walikuwa wakichengachenga, mambo mengine ujue si ya kuzungumza lakini inauma.”

JOKATE AJIBU MAPIGO
Kufuatia tuhuma hizo nzito huku kukiwa na madai pia, kwamba Jokate aliwahi kupigwa mimba ‘akaipanchi’, mwanadada huyo alipotafutwa na mwandishi wetu kujibu ‘shitaka’ linalomkabili alianza kwa kumshangaa staa huyo wa Ngoma ya Ntampata Wapi inayokimbiza kwa sasa.
Jokate alisema anamshangaa Diamond kuyazungumza maneno hayo hadharani na inaonesha asivyokuwa na akili timamu au ambayo haijakomaa.

JOJO ASHUKA NA MISTARI
“Diamond atuache, kila siku anatuzungumzia, hana akili timamu.
“Inadhihirisha kweli hana akili kwa kuwa mtu mwenye akili zake timamu hawezi kwenda kwenye chombo cha habari na kueleza hayo aliyoyasema,” alisema Jokate akionesha kukasirishwa na maneno ya Diamond.

Wema akiwa na Diamond.

WEMA HATAKI MALUMBANO
Ukiacha Jokate na Wema ambaye naye aliwekwa kwenye kapu moja la kuchenga kumzalia, hakutaka kumjibu Diamond kwa kuwa hataki malumbano au makuu na mtu.
PENNY ALISHAJIBU
Pia jamaa huyo alimzungumzia aliyekuwa mwandani wake mwingine, Penniel Mwingilwa ‘Penny’ kuwa yeye alitoa mimba zake mbili kwa visingio tofauti.Katika majibu yake kupitia gazeti tumbo moja na hili, Risasi Jumamosi, toleo la wiki iliyopita, Penny alisema kuwa Diamond awe mkweli na aseme tatizo lake kwani anavyojua yeye hana uwezo wa kumpa mwanamke mimba.
NENO LA MHARIRI
Baada ya kila mmoja kupata nafasi ya kufunguka kivyake, ni vyema sasa malumbano yakaisha na kuuanza mwaka 2015 kwa kuchapa kazi ili kujiletea maendeleo binafsi na taifa kwa jumla.

CHANZO GPL

TUNAWATAKIA HERI NA FANAKA YA MWAKA MPYA WENYE MAFANIKIO WASOMAJI WA BLOGU YETU

Mungu awatangulie katika kila jambo mlilo kusudia kufanya katika mwaka huu na kama mwaka jana hauku fikia malengo basi huu ni wakati wako endelea pale ulipoishia na usikate tamaa tunawatakia kila la heri god bless u.

JINSI TUNDA MAN NA CHID BENZ WALIVYO KARIBISHA MWAKA 2015 DAR LIVE

Tunda Man akiwapagawisha mashabiki Dar Live.Ilikuwa ni nyomi ya kufa mtu.

Tunda Man na Chid Benz wakiwapa mzuka mashabiki.Tunda Man akicheza na shabiki wake.Chid Benz akishoo love na Isha Mashauzi.

SHEREHE YA BETHDAY YA WATOTO WA KIGOGO YATUMIA MAMILIONI

Bethidei ya Hassan na Khadija Dilunga wakiwa na makapu ya fedha.

Stori: Hamida Hassan

WAKATI dunia ikiingia Mwaka Mpya wa 2015, taarifa ikufikie kwamba kigogo mmoja ambaye ni mfanyabiashara maarufu jijini Dar amewaangushia wanaye, Hassan na Khadija Dilunga sherehe ya kuzaliwa ambayo imepachikwa jina la ‘Escrow’ kufuatia kufuru ya fedha iliyooneshwa na wahusika hivyo kuwa ndiyo gumzo la mjini kwa wikiendi iliyopita.



MSHANGAO!
Sherehe hiyo ilichukua nafasi kwenye Ukumbi wa Msasani Tower jijini Dar juzi ambapo waalikwa wengi walijikuta wakibaki midomo wazi kwa vile wakati wanafika nje walijua ni harusi ya mtoto wa mtu mzito serikalini lakini walipozama ndani walipigwa butwaa kukuta ni ‘bethidei’.

“Du! Ni sherehe ya aina yake, watoto wameingia kama maharusi kwa kumwagiwa maua tena wana ‘meidsi’ na upambaji wa ukumbi unatisha, naona umesheheni mapambo ya gharama kubwa,” alisikika akisema mwalikwa mmoja huku akiendelea kushangaa maandalizi hayo ya kukata na mundu kama si shoka!

KULA, KUNYWA ZAIDI YA HARUSINI
Taarifa zaidi zinasema kuwa, waalikwa walikula vyakula vya kila aina tena vya gharama. Walikunywa mvinyo wa bei mbaya na vitu vilikuwa vya kumwaga kuliko hata inavyokuwa harusini.”

Keki za kifahari na shampeni kibao.

WABADILI NGUO UKUMBINI
Kama vile haitoshi, watoto hao wakiwa ukumbini hapo huku wakikata keki kubwa na kulisha wazazi na wageni waalikwa, kuna wakati walikwenda kubadilisha nguo ambapo kama mwalikwa aliwaona wakati wanaingia, ilikuwa tofauti na wakati wa kutoka. Hassan kwa juu alivaa T-shirt iliyoandikwa Air Jordan ambapo ilikuwa sare na ya baba yake aliyevaa naye Air Jordan.

JEURI YA FEDHA
Lilipowadia suala la kutuza sasa, watoto hao walimwagiwa mifedha hasa noti nyekundu (msimbazi) na madolari (dola) hadi wakajaza vikapu viwili walivyovishika mapajani. Hata hivyo, haikujulikana kiasi cha pesa kilichopatikana!

ZAMU YA MAMA WATOTO SASA
Mama huyo wa watoto hao (Tunt) naye ilipofika zamu yake ya kutoa zawadi, aliwapa simu aina ya Sumsung Galax note 3 na mikufu ya dhahabu ambayo kwa mwonekano ni kuanzia gramu tano na kuendelea.
Waalikwa wakifungasha fedha ukumbini.

FUKO LA FEDHA
Katika hali ya kushangaza, mama huyo alijaza fedha kwenye FUKO LA RAMBO na kuondoka nalo, utadhani ilivyokuwa kwa waliochota fedha kwenye Akaunti ya Tegeta Escrow ambayo kwa sasa ni gumzo nchini kote.
“Jamani naona leo hapa ni kama Escrow kwa kwenda mbele. Hebu angalia ule mfuko ya rambo, umejaa fedha. Sijui ndiyo mifuko aina ya sandalusi aliyoisema Zitto Kabwe? (mwenyekiti wa kamati ya hesabu za serikali).


Mmoja wa waalikwa akiwa na rambo la fedha.

RASHIDA WANJARA NDANI
Katika sherehe hiyo iliyokuwa na watoto wengi wa mjini, staa pekee aliyeshaini ni aliyekuwa Miss Mara 2000/01, Rashida Wanjara ambaye alikuwa miongoni mwa wageni waalikwa.

HAIJAWAHI KUTOKEA
Akizungumzia shughuli hiyo, Wanjara alisema kwamba haijawahi kutokea sherehe ya kuzaliwa kuwa vile na kutikisa jijini Dar kwani watu walikula na kujiachia na kilichotikisa zaidi ni fedha zilizomwagwa ukumbini hapo.
“Kiukweli mihela ilinifanya nishangae kwani mama shughuli aliondoka na mfuko wa rambo wa fedha ambao uliwashangaza watu wengi ni kwa jinsi alivyotunzwa, lakini pia kuna marafiki wa mama shughuli nao niliwaona wakibeba fuko la fedha kichwani,” alisema Rashida.
Waalikwa wakigonga chiazi.

MASWALI YA WAALIKWA
Baadhi ya waalikwa wa shughuli hiyo walikuwa wakiulizana kuwa, kama sherehe ya kuzaliwa kwa watoto ‘kufuru’ inakuwa vile, je kwenye harusi itakuwa vipi?!“Sasa jamani, hii bethidei ndiyo makamuzi yote haya, msosi, vinywaji, mafwedha. Je, siku ya harusi ya mtoto mmoja kati yao itakuwaje?” alihoji mwalikwa mmoja bila kujua paparazi alikuwa jirani yake. BENDI YA TAARABU YAHUSIKA
Kwa upande wa burudani, Bendi ya Taarab ya Ustadhi ilihusika ambapo ilitumbuiza na kukonga vilivyo nyoyo za wageni waalikwa ambao waliondoka ukumbini hapo wakiwa vizuri. Picha ni kwa msaada wa Mashughuli Blog

MAKAMU WA RAIS DKT. BILAL ALIHUTUBIA TAIFA KWENYE TAMASHA LA MKESHA WA KULIOMBEA TAIFA, JIJINI DAR

Makamu wa Rais wa Jamhuri ya Muungano wa Tanzania Mhe. Dkt. Mohammed Gharib Bilal, akisalimiana na wananchi alipowasili Uwanja wa Taifa jijini Dar es salaam jana usiku Disemba 31, 2014/2015 kwa ajili ya kuhudhuria Tamasha la mkesha wa Mwaka Mpya na Dua maalum ya kuliombea Taifa.

Makamu wa Rais wa Jamhuri ya Muungano wa Tanzania Mhe. Dkt. Mohammed Gharib Bilal,…